ტენდერის აღწერილობა:

შპს „ჰაიდელბერგცემენტი კაუკასუსი“ იწვევს ყველა დაინტერესებულ კომპანიას და გადასახადების გადამხდელად დარეგისტრირებულ კერძო პირებს ტენდერში მონაწილეობის მისაღებად: ინგლისური ენის საწავლო კურსის ჩატარება ორგანიზაციაში დასაქმებული  თანამშრომელებისთვის. 

ზოგადი ინფორმაცია 

მომწოდებელმა უნდა უზრუნველყოს კომპანიის თანამშრომლებისთვის ინგლისური ენის შემდეგი საფეხურების სასწავლო კურსის ჩატარება: Elementary, Pre – Intermediate, Intermediate, Upper Intermediate და Advanced.

მომწოდებელს უნდა შეეძლოს ინგლისური ენის კურსების ჩატარება კომპანიის ოფისებში შემდეგ მისამართებზე:

• თბილისი, ლორთქიფანიძის ქუჩა 4
• კასპი, ფარნავაზის ქ.2
• რუსთავი, მშენებელთა ქ. 70

სწავლება შეიძლება ჩატარდეს როგორც ინდივიდუალურად, ასევე ჯგუფებში. ჯგუფში წევრთა მაქსიმალური რაოდენობა იქნება 5 პიროვნება.

მომწოდებელმა უნდა უზრუნველყოს თანამშრომლის ცოდნის დონის განმსაზღვრელი ტესტის ჩატარება, ტესტირების შედეგების საფუძველზე შეიმუშავოს შესაბამისი პროგრამა და პროგრამის დასრულების შემდეგ ჩაატაროს ტესტი მიღწეული პროგრესის შესამოწმებლად. 

სატენდერო დოკუმენტაცია:

ტენდერში მონაწილეობის მსურველებმა უნდა გამოაგზავნონ შემდეგი დოკუმენტები (დოკუმენტაციის ელექტრონლად მოწოდების შემთხვევაში ინფორმაციო უნდა გამოგზავნოთ  PDF ან Word  ფორმატში):

• სასწავლო კურსის შინაარსი; თითოეულ საფეხურზე სწავლის ხანგრძლივობა (საათებში); სწავლების მეთოდი; გამოყენებული სახელმძღვანელოები და სხვა დამატებითი მასალები
• გაკვეთილის სტრუქტურა და მოკლე აღწერა
• პედაგოგების გამოცდილება ინგლისური ენის სწავლების სფეროში- რეზიუმე;
• დამკვეთი კომპანიების სია ბოლო სამი წლის მანძილზე და სარეკომენდაციო წერილები
• ჰაიდელბერგცემენტის ოფისების ჩამონათვალი, სადაც მომწოდებელს შეეძლება აღნიშნული მომსახურების გაწევა
• მომსახურების ფასები
       − ფასები მითითებული უნდა იყოს ლარში ყოველ ჩატარებულ საათზე
       − მითითებული უნდა იყოს მომწოდებლის და დამკვეთის ოფისში ჩატარებული საათის ღირებულება
       − ფასები ჩატარებულ საათზე მითითებული უნდა იყოს ზემოთ ჩამოთვლილი ჰაიდელბერგცემენტის ოფისების მითითებით
       − წარმოდგენილი ფასები უნდა მოიცავდეს საქართველოს კანონმდებლობით განსაზღვრულ ყველა გადასახადს

ტენდერის ჩაბარების პირობები:

• ტენდერის ვადა განისაზღვრება 2016 წლის 14 აპრილიდან - 2016 წლის 28 აპრილის ჩათვლით.
• ტენდერში გამარჯვებულ კომპანიასთან/ფიზიკურ პირთან გაფორმდება 12-თვიანი ხელშეკრულება.

დაინტერესებულმა პირებმა საბუთები უნდა წარადგინონ ჰაიდელბერგცემენტის სათაო ოფისში, მისამართი: თბილისი, ლორთქიფანიძის ქ. 4 ან გამოგზავნოთ ელექტრონულად მისამართზე: vacancy@heidelbergcement.ge

არასრულყოფილად წარმოდგენილი დოკუმენტაცია არ განიხილება.

სატენდერო წინადადების ჩაბარების ბოლო ვადაა 2016 წლის 28 აპრილი

დამატებითი ინფორმაციისათვის შეგიძლიათ დაგვიკავშირდეთ:

ადამიანური რესურსების მართვის დეპარტამენტი
ტელეფონი:  +995 32 474747 (შიდა ნომ.: 121)