ტენდერის აღწერილობა:

სს პროკრედიტ ბანკი ძალიან მცირე მცირე და საშუალო ზომის საწარმოების კომპლექსურ მომსახურებაზე ორიენტირებული ერთ-ერთი წამყვანი ბანკია საქართველოში, რომელიც იურიდიულ და ფიზიკურ პირებს საბანკო მომსახურების ფართო სპექტრს სთავაზობს. საქართველოში 1999 წლიდან ფუნქციონირებს და ამჟამად ქვეყნის მასშტაბით 39 ფილიალით არის წარმოდგენილი. ბანკს საერთაშორისო სარეიტინგო სააგენტო Fitch ratings-ის მიერ მინიჭებული აქვს BB რეიტინგი, რომელიც საქართველოში ყველაზე მაღალი შესაძლო რეიტინგია. პროკრედიტ ბანკი საერთაშორისო პროკრედიტ ჯგუფის ნაწილია, რომელიც მოიცავს მსოფლიოს 21 ქვეყნის ბანკებსა და ფინანსურ ინსტიტუტებს. პროკრედიტ ჯგუფს სათავეში უდგას სს პროკრედიტ ჰოლდინგი (მაინის ფრანქფურტი, გერმანია). პროკრედიტ ჰოლდინგსა და პროკრედიტ ჯგუფს ზედამხედველობას უწევს ფინანსური საზედამხედველო ორგანო (BaFin), რომელიც პროკრედიტ ბანკების სანდოობისა და სტაბილურობის გარანტია.

პროკრედიტ ბანკი საქართველო აცხადებს ტენდერს - ბანკის Share Point-ის არსებული პროგრამების განვითარება/მხარდაჭერისთვის

ძირითადი მოთხოვნები:

ბანკს ესაჭიროება დროებითი გარე პროგრამული მომსახურება, რომელიც მას დაეხმარება არსებული Share Point -ის განვითარებაში და პროგრამულ მხარდაჭერაში. ბანკის პროგრამისტები შერჩეულ კომპანიებს/ფრილანსერებს გააკონტროლებენ და ხელმძღვანელობას გაუწევენ მთელი პროცესის განმავლობაში. ტენდერში ვიწვევთ როგორც კომპანიებს ასევე ფრილანსერებს.

ბანკი ითანამშრომლებს კომპანიებთან:

• რომელთაც აქვთ მაღალი პროფესიული გამოცდილება Share Point - ის პროგრამასთან მუშაობის;
• რომლებსაც მაღალი დონის მომსახურების გაწევა შეუძლიათ;
• არიან მოტივირებულები;
• შეუძლიათ დავალებული სამუშაოს დროულად და სწრაფად შესრულება;
• შეუძლიათ სამუშაოს მაღალპროფესიონალურად და ეფექტურად შესრულება და ეკონომიურად წარმართავენ დანახარჯებს;

ტენდერის ჩაბარების პირობები:

დაინტერესებულმა პირებმა დალუქულ კონვერტში უნდა წარადგინონ:

• პროექტების ნუსხა, რომლებშიც თქვენი კომპანია მონაწილეობდა. (მნიშვნელოვანია Share Point-ის განვითარების კუთხით)
• გთხოვთ მიუთითოთ URL, თუ ასეთი ინფორმაცია ინტერნეტში მოიძებნება;

აღნიშნული მომსახურების კონტრაქტისთვის გამარჯვებული კომპანია ვალდებულია გახსნას ანგარიში პროკრედიტ ბანკში

გთხოვთ, დალუქულ კონვერტზე მიუთითოთ:

• კომპანიის დასახელება ან ფიზიკური პირის სახელი და გვარი;
• საკონტაქტო ინფორმაცია (პასუხისმგებელი პირი, ტელეფონი და ელ.ფოსტა);
• ტენდერის დასახელება;
• მიმღები განყოფილების დასახელება (ფინანსური კონტროლის განყოფილება);
• წარწერა: ”კონფიდენციალურია”;
• გთხოვთ მოაწერეთ ხელი და დასვით თქვენი კომპანიის ბეჭედი კონვერტის დალუქვის ადგილზე.

სატენდერო წინადადება მოგვაწოდეთ შემდეგ მისამართზე: ალ. ყაზგების გამზ. 21

შემოთავაზების შემოტანის ბოლო ვადაა: 13 მაისი 2015 წ. (18:00- მდე)

ტექნიკურ/ტენდერის საკითხებთან დაკავშირებით, გთხოვთ, მიმართოთ:

ლაშა ქოჩორაძე
საინფორმაციო ტექნოლოგიების განყოფილება
ს.ს. ”პროკრედიტ ბანკი”, საქართველო
სათაო ოფისი, ალ.ყაზბეგის 21
ტელ.: (+995 32) 2202222 (1810)
E-mail: l.kochoradze@procreditbank.ge

ორგანიზაციულ საკითხებთან დაკავშირებით, გთხოვთ მიმართოთ:

თამარ კასრაძე
შესყიდვების განყოფილება
ს.ს. ”პროკრედიტ ბანკი”, საქართველო
სათაო ოფისი, ალ.ყაზბეგის 21
ტელ.: (+995 32) 2202222 (1579) 
E-mail: tenders@procreditbank.ge