T20583 - USAID-ის ენერგეტიკული მომავლის უზრუნველყოფის პროგრამა საქართველოში - ენერგეტიკული საპილოტე პროექტების კონკურსი კერძო სექტორისთვის

აღწერა

შეკითხვები

ტენდერის აღწერილობა:

განაცხადების კონკურსი ცხადდება საქართველოში USAID-ის ენერგეტიკული მომავლის უზრუნველყოფის პროგრამის ფარგლებში.

პროგრამის მიზანია განაცხადების კონკურსის საშუალებით სულ მცირე 1 ენერგეტიკული საპილოტე პროექტის იდენტიფიცირება და მათი განხორციელების ხელშეწყობა.

საპილოტე პროექტი შეიძლება მოიაზრებდეს პროგრამის ძირითად მიმართულებებს, როგორებიცაა ენერგოეფექტურობა, მოთხოვნის მართვა, ენერგიის მართვის სისტემები და დივერსიფიცირებული, მდგრადი, განახლებადი ენერგიის წყაროები. ასევე შესაძლოა მოიცავდეს მიკრო პროექტებს, ქარის, მზის და ჰიდროენერგეტიკულ ტექნოლოგიებს.

ეს კონკრეტული ენერგეტიკული თემების განვითარების შესახებ საპილოტე პროექტი, წარმოადგენს USAID-ის ენერგეტიკული მომავლის უზრუნველყოფის პროგრამის განსახორციელებელ ენერგერტიკული საპილოტე პროექტების ნაწილს და ემსახურება მიმდინარე განახლებადი ენერგეტიკული სადგურ(ებ)ის საპროექტო ტერიტორიის გავლენის არეალში შემავალი თემებისთვის (თემი/სოფელი/დაბა/ქალაქი) დამატებითი სარგებლის შექმნას, რომელიც ხელს შეუწყობს კერძო სექტორს (განახლებადი ენერგეტიკული პროექტების დეველოპერებს) ადგილობრივ მოსახლობასთან ნაყოფიერი ურთიერთობების ჩამოყალიბებაში, სამშენებლო სამუშაოების შეუფერხებლად წარმართვასა და სადგურის შემდგომ ოპერირებაში. პროგრამის ფარგლებში შესაძლებელია უზრუნველყოფილ იქნეს ტექნიკური საკონსულტაციოან/და მატერიალური მხარდაჭერა შერჩეული პროექტებისთვის.

პროგრამა აღიარებს კერძო სექტორის მნიშვნელობას სუფთა ენერგიის პრიორიტეტებისა დასაჭიროებების ხელშეწყობის კუთხით. მჭიდრო პარტნიორობის მეშვეობით, პროგრამას და კერძოსექტორის წარმომადგენლებს შეუძლიათ შეიმუშაონ უფრო ეფექტური და მდგრადი გადაწყვეტებიენერგეტიკულ გამოწვევებთან გასამკლავებლად.

USAID-ის ენერგეტიკული მომავლის უზრუნველყოფის პროგრამა საქართველოში მიზნად ისახავს საქართველოს ენერგეტიკული უსაფრთხოების გაუმჯობესებას და მისი მიდრეკილების შემცირებას მავნე ზეგავლენის მიმართ შემდეგი გზებით: (i) ეფექტიანი გრძელვადიანი პოლიტიკის შემუშავება და მმართველობა; (ii) კერძო სექტორის ინვესტიციების წილის გაზრდა ადგილობრივი განახლებადი ენერგიის წარმოებაში (მათ შორის ქარის, მზის და ჰიდროენერგეტიკის ჩათვლით); (iii) საქართველოს ინსტიტუციების შესაძლებლობების განვითარება შიდა ენერგეტიკული ბაზრების ეფექტიანი და მდგრადი მართვისთვის; და (v) კიბერსაფრთხეების მიმართ ენერგეტიკის სექტორის მდგრადობის გაუმჯობესება.

საკვალიფიკაციო კრიტერიუმები:

საპილოტე პროექტის ძირითადი მიმართულება - განახლებადი ენერგია/ენერგოეფექტურობა/მოთხოვნის მართვა/ენერგიის მართვის სისტემები

მონაწილეობის უფლების მქონე სუბიექტი - მცირე და საშუალო ზომის განახლებადი ენერგიის პროექტების დეველოპერები

განხორციელების ვადა - 2 წელზე ნაკლები

კერძო სექტორის შენატანი - მინიმუმ 50%

USAID-ის ენერგეტიკული მომავლის უზრუნველყოფის პროგრამის თანამონაწილეობა – პროექტის მთლიანი ღირებულების არაუმეტეს 50 %, რომელიც თანხობრივად არ უნდა აღემატებოდეს 100 000 აშშ დოლარს, ექვივალენტი ლარში.

განმეორებადობის შესაძლებლობა - საპილოტე პროექტის ხელახლა განხორციელება მარტივად უნდა იყოს შესაძლებელი სხვა მსგავსი სუბიექტების მიერ.

ეკომეგობრულობა - საპილოტე პროექტი უნდა ახდენდეს დადებით და აშკარა ზეგავლენას კლიმატის ცვლილებაზე, სათბურის გაზების გაფრქვევის შემცირების ან თავიდან აცილების გზით.

ხელმისაწვდომობა - თითოეული პოტენციური საპილოტე პროექტი უნდა იყოს ხელმისაწვდომი სატრანსპორტო საშუალებისთვის, შესაბამისი აღჭურვილობის მისაწოდებლად.

წინადადებები უნდა წარმოადგინოთ მითითებულ ელექტრონულ ფოსტაზე თანდართული ფორმის შესაბამისად, არაუგვიანეს 2024 წლის 19 თებერვლისა: info@sgef.ge

კითხვები და განმარტებები

მეთოდი: განმცხადებლების მიერ მხოლოდ წერილობით ფორმით წარმოდგენილ კითხვებზე და განმარტებებზე იქნება მოწოდებული პასუხები, გამოგზავნილი ზემოთ მითებულ ელ.ფოსტაზე.
განმარტებითი შეხვედრა: კონკურსთან დაკავშირებით დამატებით განმარტებებისთვის, 2024 წლის 6 თებერვალს, 15:00 საათზე გაიმართება ონლაინ შეხვედრა პოტენციურ განმცხადებლებთან, მოცემულ ბმულზე.
კითხვების/განამრტებების წარდგენის თარიღი: ყველა კითხვა თუ განმარტება წარმოდგენილი უნდა იყოს წერილობითი ფორმით არაუგვიანეს 2024 წლის 14 თებერვლისა.

არასრულად წარმოდგენილი განცხადებები არ განიხილება.