ჰაიდელბერგცემენტ ჯორჯია გეგმავს რუსთავის ცემენტის ქარხანაში, #11 და 13 ცემენტის სილოსებისათვის ნაყარი ცემენტის დატვირთვის ინდივიდუალური წერტილების მოწყობას. აღნიშნული ფასთა გამოკითხვის საგანს წარმოადგენს ზემოთ აღნიშნული ნაყარი ცემენტის დატვირთვის ნაგებობების დეტალური სამშენებლო პროექტი, რომელიც უნდა მოიცავდეს:

• გენგემა (layout drawing), საპროექტო ობიექტისა და მისი მიმდებაარე არსებული შენობა ნაგებობების ჩვენებით;
• დატვირთვის ნაგებობების ე.წ განლაგებით ნახაზს (General arrangement drawing), ნაგებობაში მოწყობილობების განლაგებისა და სართულების გეგმებით;
• შენობა ნაგებობების კონსტრუქციული ნაწილის დეტალური პროეტი;
• არქიტექტურული პროექტი;
• სამუშაოების ორგანიზაციის პროექტი.

ჰაიდელბერგცემენტ საქართველო არის ერთერთი ლიდერი კომპანია ცემენტისა და ბეტონის ბაზარზე საქართველოში და წარმოადგენს ცემენტისა და ბეტონის ყველაზე მსხილ მწარმოებელს ქვეყანაში. კომპანიას ყავს 6000ზე მეტი დასაქმებული , და ფლობს ცემენტის წარმოების ორ ინტეგრირებულ ქარხანას, ერთ დაფქვის საწარმოს და თექსვმეტ ბეტონის ქარხანას.

მეტი ინფორმაცია ჰაიდელბერგცემენტის ჯგუფის შესახებ შეგიძლიათ მიიღოთ შემდეგ მისამართზე/ლინკზე: www.heidelbergcement.com

ამასთან დაკავშირებით ჩვენ მოხარული ვართ გაცნობოთ რომ თქვენი კომპანია შერჩეულია როგორც პოტენციური შემსრულებელი ამ სამუშაოების და გიწვევთ მონაწილეობა მიიღოთ ფასთა გამოკითხვაში.

შესასრულებელი სამუშაოების მოცულობა შემდეგია:

• დამკვეთთან შეთანხმებით საპროექტო ობიექტების გენგემაზე დასმა;
• დამკვეთიდან მიწოდებული ტიპიური პროექტის და მოწყობილობების დეტალური ნახაზების ბაზაზე, განლაგებითი ნახაზების მომზადება და დამკვეთთან შეთანხმება;
• შეთანხმებული განლაგებითი ნახაზების საფუძველზე, შენობა ნაგებობის დეტალური კონსტრუქციული და არქიტექტურული პროექტის მომზადება;
• პროექტის შეთანხმება ადგილობრივ თვითმართველობასთან;
• სამშენებლო სამუშაოების მოცულობების უწყისი, რომელშიც ასახული იქნება მშენებლობის ყველა ეტაპის შესაბამისი სამუშაოების მოცულობები;
• საჭიროების შემთხვევაში პროექტის რედაქტირება დამკვეთის შენიშვნების მიხედვით.

პროექტი თანხვედრაში უნდა იყოს ჰაიდელბერგცემენტის შიდა პროექტირების სტანდარტებისა და კრიტერიუმებისა და ქვეყანაში არსებული ყველა მოქმედ სტანდარტთან და მოთხოვნასთან.