ტენდერის აღწერილობა:

სს „ლიბერთი ბანკი“ აცხადებს ტენდერს სადემონტაჟო და მცირე მასშტაბის სარემონტო სამუშაოების შესრულებაზე სათავო ოფისის შენობაში, რომელიც მოიცავს:

• აგურის კედლის დემონტაჟს
• თაბაშირ-მუყაოს ფილების დემონტაჟს
• ფასადის მოსაპირკეთებელი ქვის დემონტაჟს
• ბლოკის/აგურის კედლისა და ალუმინის ვიტრაჟების დემონტაჟს
• ხის იატაკის დემონტაჟს
• დემონტაჟის შემდგომი სამშენებლო ნაგვის ჩაყრას ტომრებში, პიონერით ჩატანას და ნაგავსაყრელზე გადაყრას;
• მილ-კვადრატის ჩარჩოს მოწყობას სახანძრო კარებებისთვის;
• თაბაშირ-მუყაოს ტიხრის მოწყობას ორმაგი ცეცხლმედეგი ფილით და ქვა-ბამბის იზოლაციით;
• თაბაშირ-მუყაოს ტიხრების შეფითხვნას და შეღებვას;
• გენერალურ დალაგება/ დასუფთავებას დემონტაჟისა და მონტაჟის შემდგომ.

1.2. გასათვალისწინებელია შემდეგი ინფორმაცია:

• სამუშაოები უნდა შესრულდეს სათავო ოფისის ჯამში 13 სართულზე;
• ხარჯთაღრიცხვის გამოგზავნამდე აუცილებელია, რომ პრეტენდენტმა კომპანიამ განახორციელოს ვიზიტი სს „ლიბერთი ბანკი“-ს სათავო ოფისში და დეტალურად დაათვალიეროს შესასრულებელი სამუშაოები;
• სამუშაოები უნდა ჩატარდეს შემდეგ დროებში: სამუშაო დღეები - საღამოს 19:00 სთ-დან, უქმე დღეები - შესაძლებელია დილიდან;
• კონკრეტულ სართულებზე შესასრულებელი სამუშაოების განრიგი უნდა შეთანხმდეს ბანკთან;
• კონკრეტული სართულის დასრულების შემდგომ კომპანიამ უნდა უზრუნველყოს სამშენებლო ნარჩენების ჩატანა და დემონტაჟითა და ნარჩენებით დამტვერილი/დანაგვიანებული ტერიტორიის გენერალური დასუფთავება;
• სამუშაოების მოცულობა/რაოდენობები მოცემულია დანართ №1-ში, რის მიხედვითაც უნდა მოხდეს სამუშაოების განფასება. 

2. პრეტენდენტის მიერ სავალდებულოდ წარმოსადგენი დოკუმენტ(ებ)ი:

• სამეწარმეო ამონაწერი;
• განიხილება კომპანია, რომელიც მინიმუმ 2(ორი) წელიწადია დაფუძნებული;
• კომპანიის მოკლე მიმოხილვა;
• სატენდერო წინადადება ხარჯთაღრიცხვის ცხრილის მიხედვით (დანართი №1-ის შესაბამისად);
• ინფორმაცია მოწოდების ვადებსა და შესრულების პირობებზე;
• ინფორმაცია საგარანტიო ვადებსა და პირობებზე.

3. პრეტენდენტის მიერ გამარჯვების შემდეგ, ხელშეკრულების გაფორმებამდე სავალდებულოდ წარმოსადგენი დოკუმენტ(ებ)ი:

• კლიენტების სია, რეკომენდაციები;
• კომპანიის სერტიფიკატები (ასეთის არსებობის შემთხვევაში);
• სპეციალისტთა კვალიფიკაციის დამადასტურებელი დოკუმენტები;
• ინფორმაცია წარსულში ანალოგიური გამოცდილების შესახებ;
• ცნობა საგადასახადოდან დავალიანების არ არსებობის შესახებ;
• რეკვიზიტები;
• საკონტაქტო პირის (პროექტის მენეჯერის) მონაცემები.

4. შესყიდვის ობიექტის მიწოდების ვადა, ადგილი და მიწოდების პირობა:

• მომსახურება უნდა განხორციელდეს შემდეგ მისამართზე: ქ. თბილისი, ი. ჭავჭავაძის გამზირი №74;

5. პრეტენდენტის წინადადების ფასი და ანგარიშსწორების პირობები:

• ხარჯები, რომლებიც სატენდერო წინადადების ფასში არ იქნება გათვალისწინებული, არდაექვემდებარება ანაზღაურებას;
• ბანკის მიერ ანაზღაურება განხორციელდება გამყიდველის მიერ ფაქტიურად მოწოდებული საქონლის და გაწეული მომსახურების შესახებ გაფორმებული მიღება-ჩაბარების აქტის, სასაქონლო ზედნადებისა და საგადასახადო ანგარიშ-ფაქტურის წარმოდგენიდან 10 (ათი) სამუშაო დღის განმავლობაში;
• ტენდერში გამარჯვებული კომპანიის მხრიდან საავანსო თანხის მოთხოვნის შემთხვევაში, ბანკის მოთხოვნის საფუძველზე, კომპანია ვალდებულია მოთხოვნილ თანხაზე წარმოადგინოს ბანკისთვის მისაღები საბანკო ან/და სადაზღვევო გარანტია;
• გამარჯვებული კომპანია ვალდებულია გახსნას ანგარიში სს „ლიბერთი ბანკი“-ში;

6. ზოგადი პირობები:

• პრეტენდენტის მიერ მოწოდებული ყველა დოკუმენტი ან/და ინფორმაცია ხელმოწერილი და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში წარმოდგენილი უნდა იქნას მინდობილობა);
• სატენდერო დოკუმენტაციით მოთხოვნილი ყველა დოკუმენტ(ებ)ი წარმოდგენილ უნდა იქნას ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
• გამარჯვებულ პრეტენდენტთან ხელშეკრულება გაფორმდება, ხელშეკრულების დრაფტის (დანართი №2) მიხედვით. ხელშეკრულების ხელმოწერაზე უარის თქმა ავტომატურად გამოიწვევს პრეტენდენტის დისკვალიფიკაციას და შავ სიაში მოხვედრას;

ინფორმაცია ელექტრონულ ტენდერში მონაწილეთათვის:

• შემოთავაზება უნდა აიტვირთოს ელექტრონული შესყიდვების ვებ-გვერდზე: tenders.ge
• ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნასwww.tenders.ge-ს პორტალის ონლაინ კითხვა-პასუხის რეჟიმი
• სატენდერო წინადადების წარმოდგენის ბოლო ვადა: 2026 წლის 20 თებერვალი, 17:00 საათი
• შეთავაზების ვალუტა: ლარი
• ვაჭრობის ტიპი: ვაჭრობის გარეშე
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში

სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სატენდერო კომისიის აპარატში: შესყიდვების მენეჯერი შორენა თავაძე, ელ-ფოსტა: Shorena.tavadze@lb.ge; მობ: 595 90 12 00.

ტენდერის კატეგორია:

• 45400000 შენობის დასრულების სამუშაოები
• 50800000 სხვადასხვა სახის სარემონტო (შესაკეთებელი) სამუშაოები და ტექნიკური მომსახურება