ტენდერის აღწერილობა:

სს  „ლიბერთი ბანკი“ აცხადებს ტენდერს დასაკუთრებული უძრავი ქონების შეფასების მომსახურების მიზნით. შეფასების მიზანია ქონების საბაზრო ღირებულების განსაზღვრა ფინანსური ანგარიშგებისა და შემდგომი მართვის პროცესებისთვის.

სტანდარტები და მოთხოვნები:

• შემფასებელმა კომპანია უნდა იყოს აკრედიტირებული და უნდა უზრუნველყოს შეფასების განხორციელება საერთაშორისო სტანდარტების შესაბამისად (IVS), სამართლიანი ღირებულების განსაზღვრის პრინციპით, კერძოდ:
• ფასი, რომელიც შეფასების თარიღისთვის მიიღებოდა აქტივის რეალიზაციის შემთხვევაში ინფორმირებულ და დამოუკიდებელ მხარეებს შორის, მოწესრიგებული ტრანზაქციის პირობებში.
• შეფასებისას მიმწოდებელმა უნდა გამოიყენოს ქონების ტიპისა და ბაზრის სპეციფიკის შესაბამისი მიდგომა და უნდა შეფასდეს მხოლოდ სერტიფიცირებული შემფასებლის მიერ.
• შეფასების შედეგი უნდა იყოს თანხვედრაში ფინანსური ანგარიშგების სტანდარტებთან(IFRS).
• შემფასებელი კომპანია ვალდებულია უზრუნველყოს შეფასების დასაბუთება გამოყენებული გაანგარიშებებისა და პარამეტრების მითითებით.
• სასურველია შემფასებელ კომპანიას ქონდეს საბანკო სექტორთან მუშაობის და საქართველოს მასშტაბით ბაზრისა და შესადარებელი ფასების კვლევისა დიდი გამოცდილება.

შეფასების ანგარიშგების დაახლოებითი შინაარსი:

• შეჯამება;
• მდებარეობის ანალიზი;
• ქონების აღწერა;
• შეფასების მეთოდოლოგია;
• შესადარის ქონებებზე ინფორმაცია;
• ქონების ღირებულების დაანგარიშება;
• დასკვნა ქონების ღირებულების შესახებ;
• ქვეყნის ეკონომიკური მიმოხილვა;
• ქონების ბაზრის მიმოხილვა.

 ფორმატი :

• შეფასების შედეგი წარმოდგენილი უნდა იყოს ინგლისურ ენაზე.
• ღირებულება მითითებული უნდა იყოს აშშ დოლარში; 

ინფორმაცია შესაფასებელ ქონებაზე:

• ზოგიერთ ქონებაზე შესაძლებელი იქნება ადგილზე ინსპექტირება, ზოგიერთზე მხოლოდ გარედან დათვალიერება, ამასთან პრობლემურ ქონებებზე შეძლებისდაგვარად მივაწვდით შიგნიდან დასურათებულს
• შესაფასებელი ქონება მდებარეობს თბილისსა და საქართველოს სხვა რეგიონებში
• შეფასება გვსურს 31.12.2025 მდგომარეობით
• შეფასების რეპორტი მზად უნდა იყოს მარტის ბოლოსათვის.
• შეფასება ხორციელდება ფინანსური ანგარიშგების მიზნობრიობით, შესაბამისად, მოთხოვს გარე აუდიტის დასტურს. შემფასებელმა კომპანიამ უნდა დაამყაროს შესაბამისი კომუნიკაცია აუდიტორებთან.
• შესაფასებელია 157 ქონება (დანართი #1)

დამკვეთი უზრუნველყოფს შეფასებისთვის საჭირო ინფორმაციისა და დოკუმენტაციის მიწოდებას, ხოლო მომწოდებელი ვალდებულია გამოიყენოს სანდო და შესაბამისი ბაზრის მონაცემები.

ტენდერში წარსადგენი დოკუმენტაცია:

• სამეწარმეო ამონაწერი;
• კომპანიის მოკლე მიმოხილვა;
• სატენდერო წინადადება

გამარჯვებულ კომპანიასთან გაფორმდება ხელშეკრულება ხელშეკრულების დრაფტის (დანართი#2) მიხედვით;

ტენდერში გამარჯვებული კომპანიის მხრიდან საავანსო თანხის მოთხოვნის შემთხვევაში, ბანკის მოთხოვნის საფუძველზე, კომპანია ვალდებულია მოთხოვნილ თანხაზე წარმოადგინოს ბანკისთვის მისაღები საბანკო ან/და სადაზღვევო გარანტია;

გამარჯვებული კომპანია ვალდებულია გახსნას ანგარიში სს „ლიბერთი ბანკი“-ში. 

ინფორმაცია ელექტრონულ ტენდერში მონაწილეთათვის:

• შემოთავაზება უნდა აიტვირთოს ელექტრონული შესყიდვების ვებ-გვერდზე: tenders.ge
• ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნასwww.tenders.ge-ს პორტალის ონლაინ კითხვა-პასუხის რეჟიმი
• სატენდერო წინადადების წარმოდგენის ბოლო ვადა: 2026 წლის 2 მარტი, 17:00 საათი
• შეთავაზების ვალუტა: USD
• ვაჭრობის ტიპი: ვაჭრობის გარეშე
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში

სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია:

შესყიდვების მენეჯერი
შორენა თავაძე
595 901 200
ელ-ფოსტა: Shorena.tavadze@lb.ge

ტენდერის კატეგორია:

• 70300000 უძრავ ქონებასთან დაკავშირებული მომსახურებების გაწევა მესამე პირებისთვის ანაზღაურების სანაცვლოდ ან ხელშეკრულების საფუძველზე
• 70100000 კერძო საკუთრებაში მყოფ უძრავ ქონებასთან დაკავშირებული მომსახურებები