ჩაბარების ვადა:

24 ნოემბერი 2026, 14:00

სტატუსი:

მიმდინარე

E
ელ. ტენდერი
T32718 - ტენდერი უწყვეტი კვების წყაროების (UPS) შესყიდვაზე

  • გამომცხადებელი: საქართველოს ბანკი
  • შესყიდვის ტიპი: ელ. ტენდერი
  • შეთავაზების ვალუტა: USD
  • ვაჭრობის ტიპი: ვაჭრობის გარეშე
  • მონაწილეობის დაწყება: 18 ნოემბერი 2026 დრო 08:00
  • წინადადების მიღება მთავრდება: 24 ნოემბერი 2026 დრო 14:00

დარჩენილია

-

დღე

:

-

სთ

:

-

წთ

:

-

წმ

სატენდერო წინადადებების მიღების დაწყების თარიღი: 18 ნოემბერი 2026 დრო: 08:00

ტენდერის აღწერილობა:

სს „საქართველოს ბანკი“ (შემდგომში - ბანკი) აცხადებს ტენდერს უწყვეტი კვების წყაროების (შემდგომში - UPS) შესყიდვისთვის და გამარჯვებულ პრეტენდენტთან (პრეტენდენტებთან) 1 (ერთი) წლის ვადით გენერალური ხელშეკრულების გაფორმებისთვის. UPS-ები გამოიყენება კომპიუტერების, თვითმომსახურების ტერმინალების (ფეიბოქსების) და ბანკომატების ელექტრომომარაგებისთვის. 

ტენდერი მოიცავს ორ კომპონენტს:

  • ერთჯერადი შესყიდვა (დანართი N1, ცხრილი #1) – 3 პოზიციის UPS-ების (სულ 80 ოთხმოცი) მიწოდება;
  • დამატებითი შესყიდვა ხელშეკრულების მოქმედების პერიოდში – ბანკის საჭიროების შემთხვევაში, იმავე მოდელების შესყიდვა ცხრილი #1-ის ერთეულის ფიქსირებული ფასებით. დამატებითი რაოდენობა წინასწარ განსაზღვრული არ არის.

ტექნიკური მოთხოვნები

მინიმალური მოთხოვნები, სავალდებულო ყველა პოზიციისთვის:

  • სიმძლავრე: შესყიდვის საგნის ცხრილის მიხედვით; Power Factor 0.8 – 1.0.
  • ტიპი: Line-Interactive (ძაბვის ავტომატური რეგულირებით – AVR) ან Online.
  • როზეტები: არანაკლებ 2 სტანდარტული ევროპული (Schuko) როზეტი მოწყობილობების დასაერთებლად.
  • ცივი სტარტი: UPS უნდა ჩაირთოს და მიაწოდოს ძაბვა ბატარეიდან, როცა ელექტროქსელში ძაბვა არ არის.
  • ავტომატური ჩართვა: ბატარეის სრული დაცლის შემდეგ, ქსელში ძაბვის აღდგენისთანავე, UPS ავტომატურად უნდა ჩაირთოს, ღილაკზე ხელით დაჭერის გარეშე.
  • გენერატორთან თავსებადობა: UPS უნდა მუშაობდეს დიზელის და ბენზინის გენერატორიდან კვებისას.
  • კვება: ერთფაზა, 220–230 V, 50 Hz.
  • მდგომარეობა: ახალი, გამოუყენებელი, ქარხნულ შეფუთვაში; აღდგენილი (Refurbished) არ განიხილება.

დამატებით, ტექნიკური შეფასებისას (იხ. შეფასების კრიტერიუმები) გაითვალისწინება გამომავალი ძაბვის ფორმა და სარეზერვო მუშაობის დრო. მეტი სიმძლავრის ან უკეთესი პარამეტრების მქონე მოდელი დასაშვებია. 

ტენდერში მონაწილეობის პირობები

  • ტენდერი ცხადდება გამარჯვებულთან ერთობლივად მოცემული რაოდენობის შესყიდვისა და დამატებით 1 (ერთი) წლიანი გენერალური ხელშეკრულების გაფორმების მიზნით, რომლითაც განისაზღვრება UPS-ების შესყიდვის ფარგლებში მხარეთა შორის თანამშრომლობის ძირითადი პირობები (შემდგომში – ხელშეკრულება).
  • ხელშეკრულების და წინამდებარე დოკუმენტის პირობებს შორის წინააღმდეგობის შემთხვევაში უპირატესობა მიენიჭება ხელშეკრულების პირობებს.
  • აუცილებელია დანართ N1-ის (ცხრილი #1 და ტექნიკური პარამეტრების ცხრილი) სრულად და ჯეროვნად შევსება. არასრულად შევსებული ცხრილი შეიძლება გახდეს დისკვალიფიკაციის საფუძველი.
  • ფასი მიუთითეთ დოლარში, დღგ-ს ჩათვლით. ფასი უნდა მოიცავდეს ყველა ხარჯს (ტრანსპორტირება, განბაჟება, გადასახადები) და ფიქსირებული უნდა იყოს ხელშეკრულების მოქმედების (1 წლის) განმავლობაში. 

დამატებითი შესყიდვის პირობები

  • ხელშეკრულების მოქმედების პერიოდში ბანკი, საჭიროების შემთხვევაში, დამატებითი ტენდერის გარეშე უგზავნის მომწოდებელს წერილობით შეკვეთას (ელექტრონული ფოსტით).
  • დამატებითი შეკვეთა ფასდება ცხრილი #1-ის ერთეულის ფასით, რომელიც ფიქსირებულია ხელშეკრულების მოქმედების მთელი პერიოდის განმავლობაში და მისი გაზრდა დაუშვებელია.
  • მომწოდებელი ვალდებულია შეკვეთა სრული რაოდენობით მიაწოდოს დანართ N1-ში მითითებულ ვადაში, არაუგვიანეს შეკვეთის მიღებიდან 30 (ოცდაათი) კალენდარული დღისა.
  • თუ შემოთავაზებული მოდელის წარმოება შეწყდა, მომწოდებელი სთავაზობს იმავე ან უკეთესი პარამეტრების მოდელს არაუმეტეს იმავე ფასისა, ბანკის წერილობითი თანხმობით.
  • ბანკი არ იღებს ვალდებულებას დამატებითი შესყიდვის მინიმალურ მოცულობაზე. 

სატენდერო მოთხოვნები

  • მიწოდების მისამართი: ლილოს დასახლება, ჭირნახულის 9.
  • მიწოდების ვადა: მიეთითება დანართ N1-ში, კალენდარულ დღეებში; არაუმეტეს 30 კალენდარული დღისა – ერთჯერადი შესყიდვისთვის ხელშეკრულების გაფორმებიდან, დამატებითი შესყიდვისთვის შეკვეთის მიღებიდან.
  • საგარანტიო ვადა: არანაკლებ 2 წელი (24 თვე). პრეტენდენტმა უნდა მიუთითოს თბილისში საგარანტიო მომსახურების ცენტრის მისამართი. გაუმართავი მოწყობილობა უნდა შეკეთდეს ან შეიცვალოს არაუგვიანეს 5 სამუშაო დღისა.
  • ვალუტა: აშშ დოლარი, დღგ-ს ჩათვლით.
  • გამოცდილება: სულ მცირე 3 წლიანი გამოცდილება UPS-ების ან სხვა ელექტრო / IT აღჭურვილობის მიწოდებაში.
  • ხელშეკრულების ვადა: 1 წელი.
  • გადახდის პირობა: ერთჯერადი შესყიდვა – სრული მიწოდებისა და მიღება-ჩაბარების აქტის გაფორმების შემდეგ; დამატებითი შესყიდვა – მიღება-ჩაბარების შემდეგ.
  • შემოთავაზებული წინადადებები ძალაში უნდა იყოს სულ მცირე 60 დღის განმავლობაში ტენდერის დასრულებიდან.
  • ტრანსპორტირებას უზრუნველყოფს მომწოდებელი.
  • ბანკის მოთხოვნით, პრეტენდენტმა 5 სამუშაო დღის ვადაში უნდა წარმოადგინოს შემოთავაზებული მოდელის ნიმუში. ტესტირება ტარდება ერთნაირი წესით ყველა პრეტენდენტისთვის; ნიმუში უბრუნდება პრეტენდენტს.წინადადება წარმოდგენილი უნდა იყოს ყველა პოზიციისთვის.

წარმოსადგენი (ასატვირთი) სატენდერო დოკუმენტების სია

  • დანართი N1 (ცხრილი #1 და ტექნიკური პარამეტრების ცხრილი)
  • დანართი N2 – ინფორმაცია კომპანიის შესახებ და საბანკო რეკვიზიტები;
  • ამონაწერი სამეწარმეო რეესტრიდან;
  • შემოთავაზებული მოდელების მწარმოებლის ტექნიკური სპეციფიკაცია (Datasheet);
  • ბანკის მოთხოვნის შემთხვევაში, 3 წლიანი გამოცდილების დამადასტურებელი ინფორმაცია.
  • პრეტენდენტის წინააღმდეგ არ უნდა მიმდინარეობდეს გადახდისუუნარობის საქმის წარმოება და პრეტენდენტი არ უნდა იყოს ლიკვიდაციის / რეორგანიზაციის პროცესში;
  • ყველა ასატვირთი დოკუმენტი დამოწმებული უნდა იყოს უფლებამოსილი პირის ხელმოწერითა და ბეჭდით.

ინფორმაცია ელექტრონულ ტენდერში მონაწილეთათვის:

  • შემოთავაზება უნდა აიტვირთოს ელექტრონული შესყიდვების ვებ-გვერდზე: www.tenders.ge
  • ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნას www.tenders.ge-ს პორტალის ონლაინ კითხვა-პასუხის რეჟიმი;
  • სატენდერო წინადადების წარმოდგენის ბოლო ვადა: 2026 წლის 24 ნოემბერი, 14:00 საათი
  • შეთავაზების ვალუტა: დოლარი
  • ვაჭრობის ტიპი: ვაჭრობის გარეშე;
  • ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში

საკონტაქტო ინფორმაცია:

მარიამ კოკაია
mkokaia@bog.ge 
ტელ: (+995 598) 49 14 54

ტენდერის კატეგორია:

  • 31154000 უწყვეტი ელექტრომომარაგების წყაროები
შეკითხვები