ტენდერის აღწერილობა:

შპს „ჯორჯიან უოთერ ენდ ფაუერი“ (GWP) აცხადებს ელექტრონულ ტენდერს წყალსადენისა და კანალიზაციის ქსელებზე ავარიის აღმოფხვრის ან/და სხვა სამუშაოების შედეგად დაზიანებული გზის საფარის აღდგენა-მოწესრიგების სამუშაოების შესყიდვაზე (მარცხენა სანაპირო).

ელექტრონული ტენდერის სავარაუდო ღირებულება: 3,085,178 ლარი დღგ-ს გარეშე

განსაკუთრებული მოთხოვნები:

• ავარიის შემთხვევაში: ორმოს/ტრანშეის შევსება უნდა მოხდეს შეკვეთიდან არაუმეტეს 24 საათის განმავლობაში, ხოლო ა/ბეტონის საფარის დაგება შეკვეთიდან არაუმეტეს 3 კალენდარული დღისა;
• შემსრულებელი ვალდებულია ისარგებლოს მარტო იმ ასფალტობეტონის ქარხნით, რომლის მიერ გამოშვებულ პროდუქციას ექნება ააიპ თბილისის მუნიციპალური ლაბორატორიის ან/და შესაბამისი აკრედიტაციის მქონე საექსპერტო დაწესებულების დასკვნა, ამ ქარხნის პროდუქციის გამოყენების ვარგისიანობაზე;
• შემსრულებელი ვალდებულია საკუთარი ხარჯით განახორციელოს შემოწმებისათვის (ექსპერტიზისათვის) საჭირო ნიმუშების (კერნების) ამოჭრის ადგილების შევსება შესაბამისი მასალით;
• ახალი მიერთებების შემთხვევაში, შემსრულებელი განსაკუთრებულ შემთხვევებში, რომელსაც განსაზღვრავს დამკვეთი, ვალდებულია ტრანშეის შევსება მოახდინოს GWP-ს (დამკვეთის) სამუშაოების პარალელურად;
• სამუშაოს სპეციფიკიდან გამომდინარე დამკვეთი არ იღებს ვალდებულებას სამუშაოების შესრულების მოქმედების ვადაში წინამდებარე ტენდერით გათვალისწინებული სამუშაოების მოცულობების სრულად დაკვეთის შესახებ.
• შემსრულებელი ვალდებულია ა/ბეტონის საფარი მოაწყოს თანდართული ინსტრუქციის შესაბამისად (იხილეთ დანართი N1)

განფასება:

• პრეტენდენტმა უნდა წარმოადგინოს განფასება 1.2 პუნქტში მოცემული ხარჯთაღრიცხვით განსაზღვრულ თითოეულ სამუშაოზე.

სამუშაოს შესრულების(ხელშეკრულების) ვადა:

• ხელშეკრულების გაფორმებიდან 12 კალენდარული თვის განმავლობაში.

სამუშაოს შესრულების ფორმა და ადგილი:

• ქ.თბილისის მარცხენა სანაპიროზე არსებული უბნები (გლდანის რაიონი, ნაძალადევის რაიონი, დიდუბის რაიონი, ჩუღურეთის რაიონი),კონკრეტული ლოკაცია განისაზღვრება დამკვეთის მოთხოვნის შესაბამისად.

მოთხოვნა საგარანტიო ვადის შესახებ:

• შემსრულებლის მიერ განხორციელებულ კონკრეტულ სამუშაოზე უნდა ვრცელდებოდეს არანაკლებ 12 (თორმეტი) თვიანი გარანტია.

პრეტენდენტის მიერ ელექტრონულ ტენდერში ასატვირთი/წარმოსადგენი მონაცემები:

• ხარჯთაღრიცხვა განსაკუთრებული მოთხოვნების გათვალისწინებით (პუნქტი 1.2);
• გამოცდილების დამადასტურებელი დოკუმენტები 1.7 პუნქტის შესაბამისად;
• ინფორმაცია შესრულებული სამუშაოს საგარანტიო ვადის შესახებ 1.6 პუნქტის შესაბამისად.
• ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან, რომელიც გაცემული უნდა იყოს წინამდებარე ელექტრონული ტენდერის გამოცხადების თარიღის შემდეგ;
• კეთილსინდისიერების განაცხადი (იხილეთ დანართი N2)

შენიშვნა:

• ელექტრონულ ტენდერში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა);
• პრეტენდენტის მიერ შექმნილი ყველა დოკუმენტი ან/და ინფორმაცია სასურველია დადასტურებულ იქნას უფლებამოსილი პირის ელექტრონული ხელმოწერით ან კომპანიის ელექტრონული შტამპით.

სრული სატენდერო დოკუმენტაცია იხილეთ თანდართულ ფაილებში.

ელექტრონული ტენდერის ჩაბარების პირობები:

• შემოთავაზებები უნდა აიტვირთოს შესყიდვების ვებ-გვერდზე: www.tenders.ge;
• სატენდერო წინადადების წარმოდგენის ბოლო ვადა: 2019 წლის, 2 დეკემბერი, 17:00 სთ;
  
• შეთავაზების ვალუტა: ლარი
  
• ვაჭრობის ტიპი: 3 ბიჯიანი;
  
• ბიჯი: 15425 ლარი;
• შემოთავაზებები წარმოდგენილი უნდა იყოს დღგ-ს გარეშე. შესაბამისად ვაჭრობა გაიმართება დღგ-ს გარეშე.
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში.

საკონტაქტო ინფორმაცია:
შესყიდვების წარმომადგენელი
საკონტაქტო პირი: გიორგი გიორგობიანი
მის.: ქ. თბილისი, კოსტავას I შესახვევი, 33
ელ. ფოსტა: ggiorgobiani@gwp.ge
ტელ.: +995 322 931111 (1143); 577 640 074

საკონტაქტო პირი: თეკლა მურვანიძე 
მის.: ქ. თბილისი, კოსტავას I შესახვევი, 33
ელ. ფოსტა: tmurvanidze@gwp.ge
ტელ.: +995 322 931111 (1141); 595 523 381

ტენდერის კატეგორია:

• 71500000 მშენებლობასთან დაკავშირებული მომსახურებები
• 45200000 მთლიანი ან ნაწილობრივი სამშენებლო სამუშაოები და სამოქალაქო მშენებლობის სამუშაოები
• 45300000 სამშენებლო-სამონტაჟო სამუშაოები
• 45400000 შენობის დასრულების სამუშაოები