ტენდერის აღწერილობა:

შპს ბიზნესისა და ტექნოლოგიების უნივერსიტეტი აცხადებს ტენდერს პროგრამული უზრუნველყოფის შესყიდვაზე.

შპს ბიზნესისა და ტექნოლოგიების უნივერსიტეტი ევროკავშირის მიერ დაფინანსებული ინსტიტუციური განვითარების პროექტის: „საქართველოსა და უკრაინის უსდ-ების როლის გაძლიერება ინდუსტრიულ ტრანსფორმაციაში ინდუსტრიული პარადიგმა 4.0-ის მეშვეობით“ (HEIn4, 609939-EPP-1-2019-1-BE-EPPKA2-CBHE-JP) აცხადებს ღია ტენდერს პროგრამული უზრუნველყოფის შესყიდვაზე და იწვევს ტენდერში მონაწილეობის მისაღებად ყველა დაინტერესებულ პირს. 

მოთხოვნები:

• სატენდერო წინადადების ფასი წარმოდგენილი უნდა იქნას  დანართ #1-ის შევსების გზით დღგ-ს გარეშე (პროექტი სარგებლობს საგადასახადო შეღავათით). ის  ხარჯი, რომელიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
• შემოთავაზებული პროგრამული უზრუნველყოფა უნდა აკმაყოფილებდეს დანართ #1-ში  მითითებულ მახასიათებლებს (სპეციფიკაციები).

შესყიდვის სავარაუდო მაქსიმალური ღირებულება: 3000 ევროს ექვივალენტი ლარში

კონტრაქტის პირობები და ანაზღაურება:  

• კონტრაქტის ფარგლებში გამარჯვებულმა კომპანიამ უნდა  უზრუნველყოს აღნიშნული პროგრამული უზრუნველყოფის მოწოდება 2021 წლის აპრილის თვეში. 
• კონტრაქტით გათვალისწინებული თანხის სრული ანაზღაურება მოხდება დამკვეთსა და კონტრაქტორს შორის მიღება-ჩაბარების აქტის გაფორმებიდან 7 სამუშაო დღის ვადაში,  უნაღდო ანგარიშსწორებით ეროვნულ ვალუტაში.
• ანაზღაურება მოხდება საქართველოს ეროვნულ ვალუტაში, საქართველოს ბანკის მიერ დადგენილი გაცვლითი კურსის შესაბამისად. 

შერჩევის კრიტერიუმები: 

• შემოთავაზებების განხილვის პროცესში უპირატესობა მიენიჭება იმ სატენდერო წინადადებას, რომელიც  დააკმაყოფილებს ყველა ზემოთ აღნიშნულ მოთხოვნას და წარმოადგენს კონკურენტულ ფასს. 
• არასრულად წარმოდგენილი სატენდერო წინადადება არ განიხილება. 

პროცედურა: წინამდებარე კონკურსში მონაწილეობის მისაღებად, ყველა დაინტერესებული მხარე ვალდებულია წარმოადგინოს შემდეგი სატენდერო დოკუმენტაცია:

• განცხადების ფორმა (იხილეთ ნიმუში);
• დანართი# 1 (ფასთა კვოტირების ფორმა; გაითვალისწინეთ, რომ ფასები წარმოდგენილი უნდა იყოს ლარის ეროვნულ ვალუტაში, დღგ-ს გარეშე).
• ამონაწერი სამეწარმეო რეესტრიდან, რომელიც გაცემული უნდა იყოს წინამდებარე ტენდერის გამოქვეყნების შემდეგ.

სატენდერო წინადადება ყველა ზემოთ ხსენებულ დოკუმენტაციასთან ერთად უნდა გამოიგზავნოს 2021 წლის 29 მარტამდე შემდეგ ელ. მისამართზე: info@btu.edu.ge - სათაურით ტენდერი_HEIn4.

ტენდერის კატეგორია:

• 72600000 კომპიუტერული უზრუნველყოფა და საკონსულტაციო მომსახურებები
• 48700000 პროგრამული პაკეტების მომსახურე პროგრამები
• 48900000 სხვადასხვა სახის პროგრამული პაკეტები და კომპიუტერული სისტემები
• 72200000 პროგრამული უზრუნველყოფის შემუშავება და საკონსულტაციო მომსახურებები