ტენდერის აღწერილობა:

სს „ტერაბანკი“ აცხადებს ღია ტენდერს სარემონტო-სარეკონსტრუქციო სამუშაოების წარმოებაზე.

სარემონტო-სარეკონსტრუქციო სამუშაოები უნდა ჩატარდეს ბანკის კუთვნილ ათ ობიექტზე: ქ. თბილისი (6 ობიექტი), ქ. ბათუმი (3 ობიექტი) და ქ. ზუგდიდი (1 ობიექტი).

თანდართულ ფაილებში იხილეთ:

• სატენდერო განაცხადი
• შეთანხმება კონფიდენციალურობაზე
• ფასთა ნუსხა
• პროექტი და ხარჯთაღრიცხვა (თითოეული ობიექტისთვის ცალ-ცალკე).

ტენდერის ფარგლებში შეირჩევა საუკეთესო ფასის, ხარისხის და ვადის წარმომდგენი ერთი კვალიფიციური კომპანია.

ტენდერში მონაწილე კომპანიები უნდა აკმაყოფილებდნენ შემდეგ საკვალიფიკაციო მოთხოვნებს:

• შესაბამის სფეროში სამუშაო გამოცდილება არანაკლებ 3 წელი. (საბანკო სფეროში გამოცდილება ჩაითვლება უპირატესობად);

აუცილებელი მოთხოვნა:

• მომწოდებელთან ანგარიშწორება განხორციელდება მხოლოდ სს „ტერაბანკ“-ში გახსნილ საბანკო ანგარიშზე.

სამუშაოების შესრულების ვადები განისაზღვრება შემდეგნაირად:

• ვარკეთილი - არაუმეტეს 90 კალენდარული დღისა
• მელიქიშვილი - არაუმეტეს 80 კალენდარული დღისა
• ბათუმი 1 - არაუმეტეს 110 კალენდარული დღისა
• ბათუმი 2 - არაუმეტეს 80 კალენდარული დღისა
• ბათუმი 3 - არაუმეტეს 20 კალენდარული დღისა
• GMT - არაუმეტეს 40 კალენდარული დღისა
• ზუგდიდი - არაუმეტეს 80 კალენდარული დღისა
• ავლაბარი სარდაფი - არაუმეტეს 90 კალენდარული დღისა
• ავლაბარი ლომბარდი - არაუმეტეს 20 კალენდარული დღისა
• ვირსალაძე - არაუმეტეს 110 კალენდარული დღისა.

სატენდერო წინადადება უნდა შეიცავდეს შემდეგ დოკუმენტაციას:

• შევსებული ფასთა ნუსხა და შესასრულებელი სამუშაოების ჩამონათვალის შესაბამისად შევსებული კალკულაცია (იხ. თანდართული ფაილები), როგორც ნაბეჭდი, ასევე ელექტრონული სახით (CD-ზე ან მეხსიერების ბარათზე);
• სარეკომენდაციო წერილები, ბოლო 6 თვის გაცემული (მინ. 3 სარეკომენდაციო წერილი). გთხოვთ, გაითვალისწინოთ, რომ უნდა წარმოადგინოთ მხოლოდ ორიგინალი წერილები;
• წერილი, მოკლე აღწერილობით მსგავსი ტიპის სამუშაოების წარმოებაზე (დამკვეთის და საკონტაქტო პირების მითითებით);
• საბანკო ამონაწერი ან ცნობა ბანკიდან ბრუნვების შესახებ (მინიმუმ ბოლო 3 თვის, შესაძლებელია კომპაქტ დისკის ან მეხსიერების ბარათის საშუალებით მოწოდება);
• ამონაწერი სამეწარმეო რეესტრიდან;
• ცნობა საგადასახადო ორგანოდან, დავალიანების არქონის შესახებ;
• შეთანხმება კონფედენციალურობაზე, შევსებული (იხ. დანართი).

სატენდერო წინადადებით გათვალისწინებული ნებისმიერი სახის დოკუმენტის ან ინფორმაციის მოუწოდებლობის შემთხვევაში, შემოთავაზება არ იქნება განხილული და შესაბამისად პრეტენდენტი მიიღებს დისკვალიფიკაციას.

ტენდერის ჩაბარების პირობები:

სატენდერო წინადადება წარმოდგენილი უნდა იყოს სს „ტერაბანკის“ კანცელარიაში დალუქული კონვერტით. მისამართი: თბილისი 0103, წმ ქეთავან დედოფლის გამზ. 3.

გთხოვთ კონვერტზე მიუთითოთ შემდეგი მონაცემები:

• კომპანიის დასახელება;
• იურიდიული და ფაქტიური მისამართი;
• საკონტაქტო ინფორმაცია (საკონტაქტო პირი, ტელეფონი, ელ-ფოსტის მისამართი);
• ტენდერის დასახელება (ტენდერი სარემონტო-სარეკონსტრუქციო სამუშაოების წარმოებაზე);

სატენდერო განაცხადის წარმოდგენის ბოლო ვადაა 2016 წლის, 9 სექტემბრის (18:00 საათამდე).

ობიექტზე დათვალიერების და ტექნიკურ საკითხთან დაკავშირებით დაუკავშირდით:

ლაშა ჭანტურიძე, ლოჯისტიკის სამსახური - 595 110174;
გიორგი ანჯაფარიძე, არქიტექტორი - 595 787807;
ანდრო ტატიშვილი, შესყიდვების სამსახური - 591 409717.

ამასთანავე, საჭიროების შემთხვევაში, საორგანიზაციო და პროცესუალურ საკითხებზე მოიწერეთ შემდეგ ელფოსტაზე: andro.tatishvili@terabank.ge