ტენდერის აღწერილობა:

კომპანია „ალტა“ აცხადებს ტენდერს სარემონტო სამუშაოების შესრულებაზე. 

სამუშაოები უნდა განხორციელდეს დამკვეთის მიერ მოწოდებული პროექტების, სპეციფიკაციების და ხარჯთაღრიცხვების შესაბამისად.  

• მისამართი:  ქ. ქუთაისი, ი. ჭავჭავაძის გამზ. #
• მონაწილემ უნდა მოახდინოს სარემონტო ტერიტორიის დათვალიერება და მოამზადოს კომერციული წინადადება ჩასატარებელი სამუშაოების შესახებ.
• სამუშაოების დასრულების ვადა:  15 აგვისტო 2026  

წინადადების წარდგენისათვის საჭირო ყველა დეტალი შეგიძლიათ იხილოთ თანდართულ ფაილებში. 

დამკვეთის მხრიდან წარმოდგენილი იქნება შემდეგი დოკუმენტაცია: 

• სარემონტო სამუშაოების ხარჯთაღრიცხვა;
• ფართის არსებული მდგომარეობის აღწერა და ფოტოები; 

ტენდერში მონაწილეობის მსურველმა კომპანიებმა უნდა წარმოადგინონ: 

• კომპანიის ზოგადი ინფორმაცია და გამოცდილება მსგავს პროექტებში;
• შესრულებული პროექტების პორტფოლიო;
• სამუშაოს შესრულების ვადები და გრაფიკი;
• დეტალური კომერციული წინადადება, რომელშიც აისახება როგორც შრომის, ასევე მასალების ღირებულება დამკვეთის მიერ წარდგენილ ხარჯთაღრიცხვაში.  
• საჭიროებისამებრ, ლიცენზიების და სერტიფიკატების წარმოდგენა. 

დამატებითი პირობები: 

• სამუშაოები უნდა შესრულდეს დამკვეთთან შეთანხმებული ეტაპობრივი გრაფიკის მიხედვით; 
• სამუშაოს შესრულებისას აუცილებელია უსაფრთხოების და სამშენებლო ნორმების დაცვა; 
• ტენდერის პირობები შესაძლოა შეიცვალოს დამკვეთის გადაწყვეტილებით, რაც წინასწარ ეცნობება მონაწილეებს.  
• ფასების წარმოდგენა დასაშვებია მხოლოდ საქართველოს ეროვნულ ვალუტაში (ლარი). ფასები უნდა მოიცავდეს ამ კონკურსით გათვალისწინებულ ყველა ხარჯსა და კანონით გათვალისწინებულ გადასახადებს. 
• ბოლო 3 წლის განმავლობაში ანალოგიური მომსახურების გაწევის გამოცდილების დამადასტურებელი დოკუმენტაცია (სასურველია მინ. 5 პროექტი). 
• მონაწილის მიერ წარმოდგენილი წინადადება ძალაში უნდა იყოს წინადადებების მიღების თარიღიდან 30 (ოცდაათი) კალენდარული დღის განმავლობაში.
• გამარჯვებული კომპანიის მხრიდან სავალდებულოა ხელშეკრულების საავანსო ღირებულების საბანკო გარანტიის წარდგენა. 
• ხელშეკრულების შაბლონი წარდგენილი იქნება დამკვეთის მხრიდან.  

სატენდერო პროცედურები და ვადები: 

• სატენდერო პერიოდის დასრულების შემდეგ მოხდება ყველა იმ კომპანიის განაცხადის განხილვა, რომელიც სრულყოფილად წარმოადგენს სატენდერო წინადადებაში მოცემულ ყველა საჭირო დოკუმენტაციას. 
• მონაწილის მიერ წარმოდგენილი არასწორი ან არასრულყოფილი წინადადება არ განიხილება. 
• ყველა სრულყოფილად წარმოდგენილი წინადადებების განხილვა მოხდება სატენდერო კომიტეტის მიერ, რომელიც გამოავლენს გამარჯვებულს. 
• შპს „ალტა“ უფლებას იტოვებს თვითონ შეცვალოს ტენდერის დასრულების ვადა, შეცვალოს კონკურსის პირობები, ან შეწყვიტოს მისი მიმდინარეობის ნებისმიერ ეტაპზე. 

შენიშვნა: წინადადების წარდგენის მომენტისთვის პრეტენდენტი არ უნდა იყოს გაკოტრების პროცესში, ლიკვიდაციის პროცესში და საქმიანობის დროებით შეჩერების მდგომარეობაში. 

შესყიდვების დეპარტამენტის უფროსი 
საკონტაქტო პირი: თამარ იმერლიშვილი 
ელ. ფოსტა: t.imerlishvili@alta.ge 
ტელ: +995 571 77 22 11