ტენდერის აღწერილობა:

შპს „დელტა-ვებე“ ( 406348741) აცხადებს ფასთა კვლევას ბალანსზე აღრიცხული ძირითადი საშუალებების, სასაქონლო-მატერიალური ფასეულობების ინვენტარიზაციის მომსახურებაზე.

ტექნიკური დავალება:

მიმწოდებლის მიერ ინვენტარიზაცია უნდა განხორციელდეს სამუშაო ჯგუფის მეშვეობით. სამუშაო ჯგუფში მონაწილეობას მიიღებს შემსყიდველის მიერ განსაზღვრული პირები, რომელთა ფუნქცია შემოიფარგლება მიმწოდებლისთვის ტექნიკური დავალებით განსაზღვრული პირობების შესრულებისთვის საჭირო ინფორმაციის და დოკუმენტაციის მიწოდებით.

მიმწოდებელი სრულ კოორდინაციას უწევს სამუშაო ჯგუფის საქმიანობას და პასუხიმგებელია სამუშაო ჯგუფის შესაბამისი სპეციალისტებით დაკომპლექტებაზე, რომლებიც საჭიროა ტექნიკური დავალებით განსაზღვრული პირობების შესრულებისთვის. ფაქტიური აღწერის შემდგომ გამოვლენილი ზედმეტობისა და დანაკლისად მიჩნეული მატერიალური ფასეულობების დამატებითი იდენტიფიცირებისთვის როგორც დოკუმენტური ისე ფაქტობრივი მდგომარეობით გადაიხედება შემსყიდველის მუშა-ჯგუფთან ერთად, რათა გამოირიცხოს უზუსტობები. საბოლოო შედეგების გამოყვანაზე კი პასუხისმგებელია მიმწოდებელი.

გასაწევი მომსახურების ტექნიკური დავალება, აღწერილობა:

• ძირითად საშუალებების ინვენტარიზაცია (დღეის მდგომარეობით შემსყიდველი ორგანიზაციის ბალანსზე ირიცხება დაახლოებით 772 დასახელების და 3568 რაოდენობის ძირითადი საშუალება);
• სასაქონლო-მატერიალური მარაგების ინვენტარიზაცია შემსყიდველის რეესტრის შესაბამისად; (დღეის მდგომარეობით შემსყიდველი ორგანიზაციის ბალანსზე ირიცხება დაახლოებით 2016 დასახელების და 39 000 რაოდენობის სასაქონლო-მატერილური მარაგი);
• აქტივების ფაქტობრივი არსებობა უნდა დადგინდეს აუცილებელი დათვლის, აწონვის, აზომვის გზით;
• აღწერისას თითოეული აქტივი უნდა იქნეს დათვალიერებული და შეტანილი საინვენტარიზაციო აღწერილობებში დასახელებითა და პირვანდელი ღირებულებით (ღირებულების შესახებ ინფორმაციის არსებობის შემთხვევაში);
• აღწერილი აქტივები აღწერის აქტში შეიტანება იმ საზომ ერთეულებში, რომლებშიც წარმოებს მათი აღრიცხვა;
• იმ აქტივების რაოდენობა და მდგომარეობა, რომლებიც იმყოფება მიმწოდებლის მიერ შეფუთულ მდგომარეობაში დაუზიანებლად, შეიძლება განისაზღვროს არსებული დოკუმენტების საფუძველზე, მათი შერჩევითი შემოწმებით;
• დასაყრელი მასალის წონის განსაზღვრა დასაშვებია აზომვის და ტექნიკური გაანგარიშებების საშუალებით;
• აქტივების ფაქტობრივი მდგომარეობის აღრიცხვის შემდეგ მიმწოდებელი ადგენს აქტს აქტივების აღრიცხვის შესახებ;
• აქტივებზე რომელიც ეკუთვნის სხვა პირს (პირებს) და მიღებულია შესანახად –შედგება ცალკე აღრიცხვის აქტი;
• მიმწოდებელი ცალკე წარუდგენს შემსყიდველს იმ აქტივების ჩამონათვალს, რომლებიც არ აღირიცხება საბალანსო მუხლებად და შესაძლებელია ბალანსის საცნობარო მუხლებში აღირიცხოს;
• სრულად ამორტიზირებული ძირითადი აქტივებისთვის, რომლებიც აღრიცხულია ორგანიზაციის საცნობარო მუხლების ანგარიშებზე, დგება ცალკე აღწერა;
• ისეთი აქტივები, რომლებიც აღრიცხვაში არ არის ასახული ან სააღრიცხვო რეგისტრებში შეტანილია არასწორად, საინვენტარიზაციო აღწერილობაში უნდა ასახოს სწორად;
• გამოუყენებელ, არასრულფასოვან და უვარგისად ქცეულ აქტივებზე მიმწოდებელმა უნდა შეადგინოს ცალკე აღწერა;
• შესაბამისი საჭიროების შემთხვევაში, აქტივების ფაქტობრივი მდგომარეობის აღრიცხვის დროს მიმწოდებელმა საკუთარი ხარჯებით უნდა უზრუნველყოს ადამიანური რესურსების, გაზომვისა და აღრიცხვის ელექტრონული ხელსაწყოების, ტექნიკური და სატრანსპორტო საშუალებების გამოყენება.

1) ძირითადი საშუალებები:

უნიკალური კოდის მინიჭება რეესტრში; (კოდის შემუშავება უნდა მოხდეს შემსყიდველთან შეთანხმებითწერილობითი ფორმით); - ძირითადი საშუალებების დაჯგუფება კატეგორიების და ქვეკატეგორიების მიხედვით, ექსელის ფაილში სწორი დასახელებების შეყვანა წარმოდგენილი დოკუმენტაციის (საგადასახადო ა/ფ(ებ)ი,სასაქონლო ზედნადებები და შესყიდვის სხვა დოკუმენტები, არსებობის შემთხვევაში) მიხედვით.

ინვენტარიზაციის პროცესში შემსყიდველის პასუხისმგებელი პირის გამოკითხვის შედეგად ექსელისფაილში შემსრულებლის პასუხისმგებელი პირის მიერ უნდა დაფიქსირდეს აქტივის მდგომარეობა შემდეგი კატეგორიების მიხედვით:

• მუშა მდგომარეობაში;
• შესაკეთებელი;
• დროებით გამოუყენებელი;
• ჩამოსაწერი (ვადაგასული) და აღნიშნული ხელმოწერით დადასტურდეს ორივე მხარის მიერ;
  
• ახალი

პროექტში ჩართული გუნდი უნდა შედგებოდეს მინიმუმ 5 (ხუთი) გამოცდილი კვალიფიციური წევრისგან, სამივე წევრს უნდა ქონდეს აღწერის (ინვენტარიზაციის) და საბუღალტრო ბაზებთანმუშაობის (ანალიტიკა) გამოცდილება.

მომსახურების განმხორციელებელ პირს უნდა გააჩნდეს სახელმწიფო საიდუმლოებასთან დაკავშირებული საქმიანობის ნებართვა, (ფორმა N4).

პრეტენდენტმა უნდა წარმოადგინოს პროექტში მონაწლე გუნდის თითოეულ წევრზე ინფორმაცია, ან CV ან/და სხვა შესაბამისი ინფორმაცია ან დოკუმენტაცია რომელითაც დადასტურდება პრეტენდენტის მიერ წარმოდგენილი პერსონალის შესაბამისი ან მსგავსი პროექტების განხორციელების გამოცდილება პრეტენდენტის მიერ შემოთავაზებული პერსონლის მიერ გამოცდილების მინიმალური მოთხოვნის დაუკმაყოფილებლობა იწვევს შერჩევის პროცედურიდან პრეტენდენტის გამოთიშვას.

შენიშვნა: *

პრეტენდენტმა უნდა წარმოადგინოს პერსონალთან გაფორმებული შრომითი ხელშეკრულება ან შეთანხმება და/ან სხვა შესაბამისიდოკუმენტი, იმის დასადასტურებლად, რომ მომსახურების გაწევის დროს პრეტენდენტის მიერ წარმოდგენილი პირი განახორციელებს შესყიდვის ობიექტის მიწოდებასთანდაკავშირებულ მომსახურებას თავისი კომპეტენციის და სპეციალიზაციის ფარგლებში. ხელშეკრულების გაფორმების შემდეგ მიმწოდებლის მიერ პერსონალის ცვლილება უნდა განხორციელდეს მინიმუმ ანალოგიური გამოცდილების მქონე სპეციალისტით და წინასწარ შეთანხმდეს წერილობითი ფორმით შემსყიდველთან.

ანგარიშსწორების განხორციელების პირობები:

ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში, მიღება-ჩაბარებისა აქტის გაფორმებისა და შესაბამისი საგადასახადო დოკუმენტაციის წარმოდგენიდან 10 (ათი) სამუშაო დღის განმავლობაში.

წინასწარი ანგარიშსწორება (ავანსი) არ გამოიყენება

გთხოვთ, არაუგვიანეს 2026 წლის 17 ივლისს წარმოგვიდგინოთ თქვენი წინადადებები. ელ. ფოსტაზე m.kusikashvili@wbgroup.com

დამატებითი კითხვების არსებობის შემთხვევაში გთხოვთ დაგვიკავშირდეთ შემდეგ ნომერზე:

ფინანსური მენეჯერი 
ზურაბ ძებისაშვილი
591 22 16 61

ბუღალტერი
მაკა ლორთქიფანიძე
ტელ: 599 60 42 62

ტენდერის კატეგორია:

• 79200000 საბუღალტრო, აუდიტორული და ფისკალური მომსახურებები