აუქციონის აღწერილობა:

სს საქართველოს ბანკი აცხადებს რევერსულ აუქციონს, საკანცელარიო მასალების შესყიდვაზე.

ტენდერში მონაწილეობის პირობები:

• ტენდერი ცხადდება გამარჯვებულთან გენერალური ხელშეკრულების გაფორმების მიზნით, რომლის მიხედვითაც განისაზღვრება მოთხოვნილი სერვისის შესყიდვის ფარგლებში მხარეთა შორის თანამშრომლობის ძირითადი პირობები (შემდგომში - ხელშეკრულება).
• ხელშეკრულების და წინამდებარე დოკუმენტის პირობებს შორის წინააღმდეგობის შემთხვევაში უპირატესობა მიენიჭება ხელშეკრულების პირობებს.
• აუცილებელია თანდართულ დოკუმენტაციაში, ფასების ცხრილის სრულად და ჯეროვნად შევსება;
•  გთხოვთ, ფასი მიუთითოთ  ლარებში  შესაბამისი პუნქტების გასწვრივ მეასედებით, მაგალითად: 0.05 (ნოლი ლარი და 5თეთრი); 0.35 (ნოლი ლარი და 35 თეთრი); 1.00 (ერთი ლარი); 1.45 (ერთი ლარი და 45 თეთრი) და ა.შ.

სატენდერო მოთხოვნები:

• მიწოდების ვადა: ბანკის მოთხოვნიდან 1-4 დღის ვადაში. (მოცულობის მიხედვით)
• მიწოდების მისამართი: ჭირნახულის 9. საჭიროების შემთხვევაში შესაძლოა სხვა მისამართებზეც გახდეს მიწოდება საჭირო.
• ვალუტა: ფასები წარმოდგენილი უნდა იყოს ლარში გადასახადების ჩათვლით;
• ხელშეკრულება გაფორმდება 1+1 წლის ვადით და მოცემული სავარაუდო რაოდენობების ჩაბარება მოხდება ეტაპობრივად, ბანკის მოთხოვნისამებრ.
• გამოცდილების მინიმალური მოთხოვნა: ორგანიზაციას უნდა ჰქონდეს შესაბამისი მომსახურების გაწევის მინიმუმ 3 წლიანი გამოცდილება.შემოთავაზებული წინადადებები ძალაში უნდა იყოს სულ მცირე 60 დღის განმავლობაში ტენდერის გახსნიდან

მომწოდებელი ვალდებული იქნება აღნიშნული მარაგის წინასწარ დასაწყობება მოახდინოს საკუთარი ხარჯებით;

ტენდერში მოცემული რაოდენობა შესაძლოა შემცირდეს ან გაიზარდოს ბანკის მოთხოვნის შესაბამისად. მოთხოვნილი რაოდენობა არის საორიენტაციო და ბანკი არ იღებს პასუხისმგებლობას აღნიშნული რაოდენობის სრულად შესყიდვაზე.

აუქციონში ვაჭრობა დაიწყება დანართი N1 - ში ჩამოთვლილი ყველა პოზიციის ჯამურ ფასზ, რომელიც განისაზღვრება თითოეული პოზიციის რაოდენობისა და შესაბამისი ერთეულის ფასის ნამრავლის ჯამით. ხოლო საბოლოო ფასის შესაბამისად პროცენტულად დააკლდება ყველა ჩამოთვლილს.

არასტანდარტული საკანცელარიო პროდუქტი: ხელშეკრულების ფარგლებში შესაძლოა საჭირო გახდეს ისეთი პროდუქციის შეკვეთა რომელიც არ არის დანართ N1-ში არსებულ საკანცელარიო ნუსხაში. მომწოდებელი იღებს ვალდებულებას ბანკის მოთხოვნის შემთხვევაში მოიძიოს ამგვარი პროდუქცია და ბანკს მიაწოდოს წინასწარ შეთანხმებული ფასით;

წარმოსადგენი (ასატვირთი) სატენდერო დოკუმენტების სია:

• ამონაწერი სამეწარმეო რეესტრიდან;
• კომერციული წინადადება (დანართი N1);
• საბანკო რეკვიზიტები (დანართი N2);
•  შემოთავაზებული ძირითადი პროდუქცია სრულად უნდა აკმაყოფილებდეს დოკუმენტაციაში მოცემულ პარამეტრებს;
• ტენდერში მონაწილე კომპანიამ უნდა წარმოადგინოს ხარისხის დამადასტურებელი დოკუმენტები;
• ტენდერში მონაწილე კომპანიამ უნდა წარმოადგინოს ნიმუში ტენდერის დასრულებისთანავე, 3 დღის ვადაში. მისამართი რუსთაველის 2/4;
• ნიმუშების წარდგენა უნდა მოხდეს მონაწილის ხარჯებით.
• ტენდერში მონაწილემ უნდა წარმოადგინოს ბოლო 2 წლის განმავლობაში განხორციელებული სულ მცირე 3 მსგავსი კონტრაქტის და შესაბამისი მიღება-ჩაბარების აქტის ასლი; შესაძლებელია წარმოდენილ იქნეს სახელმწიფო შესყიდვების პორტალის შესაბამისისი NAT, SPA ან CMR ნომრები;
• პრეტენდენტის წინააღმდეგ არ უნდა მიმდინარეობდეს გადახდისუუნარობის საქმის წარმოება და პრეტენდენტი არ უნდა იყოს ლიკვიდაციის / რეორგანიზაციის პროცესში;
• პრეტენდენტმა უნდა წარმოადგინოს საქართველოს რეზიდენტი მინიმუმ ორი ორგანიზაციის მიერ გაცემული რეკომენდაცია(100 000 ლარზე მეტი გენ. კონტრაქტების შემთხვევაში)
• პრეტენდენტის შერჩევა მოხდება კომერციული წინადადების, გამოცდილების და პროდუქციის ხარისხობრივი მაჩვენებლის მიხედვით;
• კომერციული წინადადება - 70%
• გამოცდილება - 15%
• პროდუქციის ხარისხობრივი მაჩვენებლები - 15%
• ტრანსპორტირებას უზრუნველყოფს მომწოდებელი კომპანია დამკვეთის მიერ მითითებულ მისამართზე;
• პრეტენდენტის მიერ ასატვირთი ყველა დოკუმენტი და ინფორმაცია დამოწმებული უნდა იყოს უფლებამოსილი პირის ხელმოწერითა და ბეჭდით;
• ტენდერის განმავლობაში პრეტენდენტს აქვს ვალდებულება მოთხოვნისამებრ წარმოადგინოს ნებისმიერი იურიდიული თუ ფინანსური დოკუმენტი.

 ინფორმაცია ელექტრონულ აუქციონში მონაწილეთათვის:

• შემოთავაზება უნდა აიტვირთოს ელექტრონული შესყიდვების ვებ-გვერდზე: www.tenders.ge
• ნებისმიერი შეკითხვა ტენდერის მიმდინარეობის პროცესში უნდა იყოს წერილობითი და გამოყენებულ უნდა იქნას www.tenders.ge-ს პორტალის ონლაინ კითხვა-პასუხის რეჟიმი
  
• სატენდერო წინადადების წარმოდგენის ბოლო ვადა: 2026 წლის 5 ოქტომბერი, 18:00 საათი
• შეთავაზების ვალუტა: ლარი
• ვაჭრობის ტიპი: რევერსული აუქციონი
• ფასის კლების ბიჯი: 1000 ლარი
  
• ელექტრონულ ტენდერში მონაწილეობის მიღების დეტალური ინსტრუქცია გთხოვთ იხილოთ თანდართულ ფაილში

საკონტაქტო ინფორმაცია:

გიორგი ლომთაძე
Glomtadze@bog.ge
ტელ: 579 15 67 96

ტენდერის კატეგორია:

• 30100000 საოფისე მანქანა-დანადგარები, აღჭურვილობა და საკანცელარიო ნივთები, კომპიუტერების, პრინტერებისა და ავეჯის გარდა